Les mots surlignés font l'objet d'une note
1Reçue à Laval, le 01 août 1572.
2Monseigneur, il ma despleu aujourdhuy que je vous aye
3envoyé ung paquet de monsieur le president Bellièvre sans
4que je vous aye escript ; jestoye pressé daller à
5lassemblée des pauvres des hospitaulx de ceste ville.
6Despuys, jay eu voz lettres et la celle de monsieur de Chastellar
7Bossozel que jay incontinant faict coppier pour lenvoyer audit
8sieur president par ung solliciteur de Thoulouse qui part demain
9de bon matin. Dieu a pourveu à vostre contentement
10et au mien, à la santé de monseigneur le president Truchon,
11mais si autrement feust advenu, je loue vostre
12deliberation et que vous eussiez parlé avec celuy qui
13estoit venu à la traverse. Il y aura tousiours
14en luy du moyne et ne le verrés jamais
15autrement. Je vous envoye une autre lettre que par
16le sieur de Chaieze je viens de recevoir de mondit
17sieur Bellievre et celle quil ma escripte, laquelle sil
18vous plaist me pourrés renvoyer. Je ne treuve
19que bien bon tout ce que est passé et ne men puys
20repentir.
21Monseigneur, je me recommande très humblement à votre
22bonne grace et prie le Createur vous donner santé
23et longue vye. De Grenoble, ce dernier de julhet
24au soir
25Vostre très humble et affectionné
26Serviteur
27Prunier